Beqiri: Janë rritur çmimet e prodhimit, s’mund të jenë ulur ato të konsumit

Inflacioni në Shqipëri për muajin maj, ishte 6.7% sipas statistikave të Instat, një rritje prej 0.5% krahasuar me muajin prill.

Rritje kanë pësuar edhe indeksi i çmimit të prodhimit me 17% dhe indeksi i çmimit të importit me 10,7 %.

Për ekspertin e ekonomisë, nëse këto rritja e tyre është dyshifrore, është e pamundur që çmimet e konsumit të jenë të ulëta.

“Nëse ne shohim që indeksi i çmimit të prodhimit është në rritje, në tendencë rritjeje, kjo do të thotë që indeksi i çmimit të konsumatorit nuk ka shanse që të jetë në zbritje. Ne presim që në muajt qershor, korrik, si pasojë e rritjes së ideksit të çmimit të prodhimit, të reflektohet më pas në çmimet fundore”, u shpreh ai në emisionin “Mirëmëngjes në “Euronews Albania”.

Sipas tij, inflacioni në vend duhet të jetë më i lartë, pasi në vendet e Ballkanit Perëndimor inflacioni është dy shifror.

LEXONI GJITHASHTU

• Inflacioni tjetër rekord, çmimet e mallrave të konsumit u rritën 6,7% në maj
• Inflacioni në prill arriti 6,2%, niveli më i lartë që nga viti 2001