Berisha: 51 mln euro pagesa nga qytetarët e Tiranës për kontot e Ramës dhe Veliajt

Kryetari i Partisë Demokratike, Sali Berisha ka vijuar akuzat ndaj kryeministrit Edi Rama dhe kryebashkiakut të Tiranës, Erion Veliaj për inceneratorin në kryeqytet.

Në një deklaratë për mediat nga selia blu, Berisha u shpreh se janë bërë 51 milionë euro pagesa nga qytetarët e Tiranës për kontot offshore të Ramës dhe Veliajt.

Sipas tij, nuk ka akt më të turpshëm se qëndrimi i drejtësisë ndaj kësaj afere.

“SKAP-i i partisë është mbuluar nga plehrat e sipërmarrjes Rama-Veliaj. Nuk ka gjë më flagrante. Kjo vetëm se kjo sipërmarrje është e Ramës dhe Velisë. Janë bërë 51 milionë euro pagesa nga qytetarët e Tiranës për kontot offshore të Edi Ramës dhe Erion Veliajt, për plehra që dikur digjen, në një kohë kur as nuk digjen, por as nuk seleksionohen, siç u betua dhe rrahu gjoksin sipërmarrësi i plehrave, Edi Ramën, nën betim para parlamentit shqiptar. mNuk ka akt më flagrant se afera e inceneratorëve. Nuk ka akt më të turpshëm se qëndrimi i drejtësisë ndaj kësaj afere”, theksoi kryedemokrati.

LEXONI GJITHASHTU

• Kryemadhi: Të ndalen pagesat ndaj inceneratorit të Tiranës
• SKEMA e abuzimeve për inceneratorin e Fierit, roli i Alqi Bllakos
• SPAK përfundon hetimet për inceneratorin e Elbasanit