Berisha akuza ndaj Ramës: Qesen me kokainë ia vendosët në stomak

Kreu i Partisë Demokratike, Sali Berisha hodhi akuza ndaj qeverisë Rama për vdekjen e 32-vjeçarit Laer Kurti në komisariatin nr.3 në Tiranë.

Berisha nënvizoi se në autopsinë e të riut ka pasaktësi dhe nënvizoi se qesja me kokainë iu vendos qëllimisht në stomak.

“Autopsia bëhet nga një grup ekspertësh dhe jo një ekspert i vetëm në terrorin e Ardi Veliut. Një grup kriminal u krijua në këtë sesi të vrasin për së dyti Lear Kurtin jashtë çdo lloj imagjinate. U përsërit edhe njëherë skenari i Klodian Rashës. Dje Ardi Veliu njoftoi se në stomak iu gjet një qese plastike me kokainë. Broçkulla, iu vendos një qese me kokainë atij në stomak. Por nëse nuk ka ndodhur këto, çfarë e shtyu Ardi Veliun dhe Çuçin në një akt mafioz, autopsi, dezinformim? Ku shkuan kamerat? Pse nuk gjenden kamerat e vendit ku e kapi patrulla. Kam dyshime shumë më të mëdha se këto i bëjnë policë të droguar”, u shpreh Berisha në një konferencë për mediat.

Ngjarja e rëndë ndodhi mbrëmjen e së mërkurës, ku 32-vjeçari u largua me vrap pasi policia i kërkoi mjetin e identifikimit. Pasi efektivët e kapën, e shoqëruan në komisariat. Aty, Kurti nuk u ndje mirë dhe më pas u transportua te Trauma. Policia thotë se humbi jetën në spital, ndërsa Spitali i Traumës njoftoi se erdhi i vdekur.

Nga autopsia e kryer në Institutin e Mjekësisë Ligjore, rezultoi se në stomakun e viktimës është gjetur një qese plastike e çarë me ngjyrë të bardhë me përmasa 5×5 cm, e dyshuar si ambalazh i lëndës narkotike, e cila i është nënshtruar ekzaminimit në Institutin e Policisë Shkencore.

Deri në përfundim të hetimeve, efektivët që e shoqëruan janë pezulluar nga detyra.

LEXONI GJITHASHTU:

• Vdekja e Laer Kurtit, Rama: Presim përgjigjen e hetimeve
• 10 kryeministrat europianë më jetëshkurtër në qeverisje, 3 shqiptarë mes tyre
• 4 pretendentët për kryeministër në Britaninë e Madhe, mes tyre dhe Boris Johnson