Berisha apo Alibeaj? Kë mbështet Dashamir Shehi?

Kryetari i LZHK-së, Dashamir Shehi deklaroi se nuk sheh një reflektim opozitar, ndërsa insistoi se në politikë duhet të përfshihen figura të reja.

Ai tha për Euronews Albania se nuk i ka kushtuar kurrë rëndësi gjykimit për grupimet Berisha apo Alibeaj. Sipas Shehit debati brenda PD-së nuk ka qenë politik se ku është gabuar, por ka qenë një sherr i vazhdueshëm.

Ai sugjeroi një rindërtim 360 gradë të mendimit politik të Partisë Demokratike në mënyrë që të afrojë qytetarin gri.

“Për të mbërritur atje ku duam të mbërrijmë që të largojmë këtë qeverisje që e ka mbushur kupën, e ka tretur zullumin dhe ka ardhur dita të këputet, unë mendoj që kemi nevojë për forca të reja në fushë,” – u shpreh Shehi.

Ai shtoi gjithashtu se uron të gjendet një formulë për një kandidat të përbashkët në mënyrë që të mos përsëritet skenari i 6 marsit.

LEXONI GJITHASHTU:

• A duhet të largohen Meta dhe Berisha? Shehi: Nevojë për forca të reja në fushë
• ‘S’do ketë vende pune’, Shehi: Projekti për Portin e Durrës pa vlerë dhe pa garë