Berisha: Brukseli karton të kuq Ramës për mungesën e dialogut me opozitën

Sali Berisha tha në një konferencë për mediat të enjten se refuzimi i BE për çeljen e kapitujve me Shqipërinë i faturohet politikës destruktive të Edi Ramës me opozitën.

Sipas Berishës, falë qëndresës deh akteve të grupit parlamentar të PD, Këshilli i Ministrave të BE, nxori si karton të parë të kuq, qëndrimet e Edi Ramës ndaj parlamentit, të përmbledhura në numrin 1, kërkesën për dialog konstruktiv.

“Falë qëndresës dhe akteve të grupit parlamentar të PD, e vërteta është se Brukseli, Këshilli i Ministrave të BE, nxori si karton të parë të kuq, qëndrimet e Edi Ramës ndaj parlamentit, të përmbledhura në numrin 1, kërkesën për dialog konstruktiv. Por ai ka zgjedhur rrugën tjetër. Pra, nuk ka asgjë më të rëndësishme në deklaratë sesa pika e parë. Pika e parë e asaj deklarate është se për të hapur negociatat, Shqipëria duhet të ketë atë që Edi Rama po e mbyt. Natyrisht me qartësi të kristaltë e ka shprehur në një hark kohor 1-mujor qëndrimin e vet, Komisioni Europian, qoftë me raportin për Shqipërinë, qoftë me deklaratën direkt të zyrës së zotit Borrel për zhvillimet në parlamentin shqiptar”, tha Berisha.

Kreu i Rithemelimit shtoi më tej se është emergjente që kjo mosbindje në parlament të shoqërohet tashmë nga mosbindja qytetare.

“Të pasohet nga mosbindje e fuqishme qytetare. Nuk ka integrim me Edi Ramën. Lexoni shtatë pikat. Asnjëra nuk mund të realizohet nga ai. As më e thjeshta që është censusi”, u shpreh Berisha.

LEXONI GJITHASHTU:

• SPAK kërkoi arrestimin, Spiropali: Berisha ka sfiduar drejtësinë, tani të përballet
• Nuk u paraqit në SPAK për Gërdecin, reagon Shkëlzen Berisha