Nuk u paraqit në SPAK për Gërdecin, reagon Shkëlzen Berisha

SPAK ka deklaruar këtë të enjte se djali i ish-kryeministrit Sali Berisha, Shkëlzen Berisha, nuk u paraqit për të dëshmuar në çështjen e Gërdecit. Pavarësisht kësaj, përmes një njoftimi në llogarinë e tij në Facebook, Berisha ka deklaruar se nuk ka pasur asnjë ftesë në adresën e tij për t’u paraqitur në këtë strukturë.

“Në lidhje me dia raportime për ‘mos paraqitjen’ time si dëshmimtar në gjykatë, më duhet të sqaroj se në asnjë adresë timen fizike apo elektronike nuk ka mbërritur asnjë ftesë për t’u paraqitur si dëshmimtar!”-shkruan ai.

Duke shprehur bindjen e tij se ka depozituar të dhënat e tija të sakta, përfshirë numrin e telefonit dhe adresën, Shkëlzen Berisha shkruan:

”Pretendimet e SPAK, që janë qartazi ne funksion të qëllimeve politike e mediatike të Edi Ramës, bien poshtë, si nga njoftimet e mëparshme që janë ekzekutuar me sukses, ashtu dhe nga fakti qe personalisht në dëshminë e dhënë para SPAK, kam depozituar adresën e SAKTË si dhe në e telefonit! Mbetem i hapur për t’u paraqitur konfirmo ligjit me të marrë ftesën!”, thekson Berisha.

LEXONI GJITHASHTU:

• “A do të mbyllet Berisha në selinë e PD pas ‘arrestit’ nga SPAK?” Flet avokati i tij
• Sot gjyqi për Mediun, pritet të dëshmojnë Shkëlzen Berisha e Aldo Bumçi