Gjatë mbledhjes së sotme të grupit parlamentar të Partisë Demokratike, ka pasur një debat të fortë mes ish-kryeministrit Sali Berisha dhe kreut të grupit, Enkelejd Alibeaj, i cili pas dorëheqjes së Bashës ka marrë dhe atributet e kryetarit.
Temë e diskutimeve ishte qëndrimi që PD duhet të mbajë për negociatat me mazhorancën për zgjedhjen e Presidentit të ri.
Mbledhja vijoi me një debat të ashpër mes Berishës, i cili nuk e njeh Alibeajn si kryetar në detyrë dhe kryetar të grupit të PD.
Debati
Berisha: Je i përzgjedhur i Taulant Ballës dhe nuk je i përzgjedhur nga Grupi Parlamentar. Edhe Rama s’të përfill. Të mbajnë peng. Nuk ke mandat sepse je i zgjedhur i Taulant Ballës.
Alibeaj: Peng je ti.
Noka: Mos i fol ashtu.
Alibeaj: Me fyerje personale mos të vazhdojë.
Berisha: Ai që ndjehet opozitar i vërtetë nuk mund të imagjinojë kurrë të marrë pjesë në një proces mafioz të zarfeve sekrete.
Deputetja, Albana Vokshi i kërkoi Alibeajt që t’i drejtoi një kërkesë Kuvendit për 5 deputetët e përjashtuar nga grupi i PD që t’i ribashkohen.
“Jemi 5 deputetë të përjashtuar. Duhet të bëni kërkesën në Kuvend”, tha Vokshi.
LEXONI GJITHASHTU:
- Berisha: Konsultimet e PS për Presidentin janë farsë
- Alibeaj: Zgjedhja e presidentit ka degraduar në emra në zarfe
