Berisha: Dje mbasdite u ekzekutua publikisht dëshmitari i copëtimit të Jan Prengës

Kryetari i Partisë Demokratike, Sali Berisha, mbajti këtë të hënë një konferencë me gazetarët, ku ndal dhe te vrasja e 52-vjeçarit Artur Dedja ditën e dile në zonën e Ndroqit.

Brisha theksoi se vrasja e 52-vjeçarit, u krye me urdhër të Altin Hajrit, i cili e realizoi atë përmes kunatit, 27-vjeçarit Julian Gjoshi.

Sipas kryedemokratit vrasja u krye për të eliminuar dëshmitarin e fundit të zhdukjes së Jan Prengës.

Berisha tha se vrasja është shtetërore, pasi banda e Altin Hajrit ka lidhje me strukturat e shtetit.

“Çështja e dytë për të cilën jam sot para jush, dje mbasdite u ekzekutua publikisht në Ndroq dëshmitari i copëtimit të Jan Prengës, njeriut që dinte të gjitha.

Ai, Dedja, kishte qenë menaxher i lokalit të Altin Hajrit.

Imagjinoni ju një moment, njeriu që e kishte liruar nga burgu këtë Julian Gjoshin, që kishte ngritur shtetin në këmbë për ta liruar, tani e urdhëron në një akt in-ekstremis, të vrasë në publik dëshmitarin e vetëm të mundshëm të copëtimit makabër të trupit të Jan Prengës.

E gjitha kjo një vepër shtetërore mafioze.

Mafia me shtetin të bashkuar.

E gjitha kjo për të mbyllur aferën, sepse ju e dini se për Jan Prengën u akuzuan kamerierët e Altin Hajrit, kurse Altini është i lirë, Altini tani pastron oborrin dhe u detyrua në fund të nisë kunatin e tij të kryejë vrasjen publike.

Vrasja mafioze e djeshme është dëshmi e funksionimit si një sipërmarrje e përbashkët e shtetit me krimin, e mafies me shtetin.

Ndryshe, Dedja duhet të ishte një dëshmitar i mbrojtur, i çmuar, por nuk pati kurrë dëshirë për të zbardhur vrasjen e Jan Prengës.

Edhe këto që shihni ju, dosjet që të gjitha vijnë nga jashtë, Dumani fle mbi to. Të gjitha janë nisma të prokurorive partnere, asnjë nismë e tij. Jo, aty i ka pasur të gjitha veprimet”, tha Berisha.

LEXONI GJITHASHTU:

• Si nisi konflikti në Ndroq? Detaje të tjera nga vrasja e Alfred Dedjas
• Vrasja në Lokalin në Ndroq, reagon policia e Tiranës! Kush është autori i dyshuar?