Deklarata e analistit Genc Burimi, se Berishës i intereson të ketë viktima në protestën e 11 shkurtit, shkaktoi debate në studion e EuroneWs Albania.
Analisti tjetër në studio Arben Meçe, e cilësoi deklaratën si ekzistencën e një skenari të Berishës për të prodhuar viktima. Ai tha se protestat janë legjitime deri në momentin që nuk e kalojnë kufirin.
“Në momentin që qëllimi i kësaj proteste është që të prodhojë viktima këtu fillon debati. Me ç’po shoh barazimi me 21 janarin tregon që kjo protestë po bëhet për viktimën. Kjo protestë ka synim të prodhojë viktima dhe ja ku i ke personat që marrin direktiva dhe e hapin dhe i thonë qytetarëve që do të arrijmë deri aty sa dhe gjak do derdhim, kjo është jo demokratike.
Akuzoj këdo që del me këtë tezë, që krahëson 21 janarin me këtë protestë”, tha Meçe.
Në përgjigje të tij Burimi tha se ai u keqkuptua dhe nuk ka dijeni për një skenar të Berishës, por bëri një analizë se çfarë mund t’i shkonte në favor ish-kryeministrit.
“Thashë që ky manifestim që nuk do prodhojë gjë të madhe ose do të jetë si të kaluarat. Nëse ky manifestim do të prodhojë viktima atëherë kalon në një stad të ri. Ky nuk është skenari i Berishës”, tha ai.
LEXO GJITHASHTU:
- Analisti deklaratë të fortë: Viktimat, i vetmi rezultat që pret Berisha në 11 shkurt
- Paralajmërimi i Berishës: Do ketë protesta të vazhdueshme para dhe pas 11 shkurtit
