Berisha-Erdoganit: Puna që bën për pushtetin e Ramës, kundër interesave shqiptare

Kryetari i Partisë Demokratike, Sali Berisha i është drejtuar Presidentit të Turqisë, Rexhep Tajip Erdogan.

Në një deklaratë për mediat nga selia blu, Berisha u shpreh se puna që Erdogan bën për pushtetin e kryeministrit, Edi Rama, është në kundërshtim flagrant me interesat e shqiptarëve.

“Dua t’i them haptas Presidentit të Turqisë, se puna që bën për pushtetin e Edi Ramës, është absolutisht në kundërshtim flagrant me interesat e shqiptarëve. Aktet prej vasali që kryen Edi Rama, nuk shërbejnë, nuk funksionojnë aspak në një bashkëpunim afatgjat mes dy vendeve. Nuk mundet Presidenti i Turqisë, të diktojë se cila shkollë duhet të fuksionojë dhe cila shkollë nuk duhet të funksionojë.

Se cili ministër i Jashtëm duhet të jetë dhe cili nuk duhet të jetë. Unë nuk kam asnjë simpati për Ditmir Bushatin, por nuk mundet të ndërhyjë ai. Nuk mundet, Presidenti i Turqisë, të ndërhyjë se kush duhet të jetë Kryemyftiu. Këto që ndodhin janë absolutisht të papranueshme”, theksoi kryedemokrati.

LEXONI GJITHASHTU

• ‘Do loboj fuqishëm’, Berisha tregon ligjin: Mënyra që Rama të dalë para drejtësisë
• Udhëtimet e Ramës me avion, Berisha: Të japë menjëherë dorëheqjen
• Sali Berisha citon Barometrin: SPAK i pabesueshëm për shqiptarët