“Berisha është nën vëzhgim”- Avokati: Si ka luajtur SPAK me standard të dyfishtë

Avokati Sokol Hazizaj është shprehur se gjykata nuk po nxitohet me çështjen e ish-kryeministrit Sali Berisha, pasi ky i fundit është nën vëzhgim, pasi ka dy masa të tjera shtrënguese që rëndojnë mbi të.

Komentet Hazizaj i bëri në “Euronews Albania”, ku tha SPAK ka luajtur me standard të dyfishtë, kur kërkon edhe “arrest shtëpie”, edhe mbikqyrje policore për Berishën.

Ai tha gjithashtu se ekziston mundësia që gjykata të mos pranojë shtrëngimin e masës së sigurisë për Berishën.

“Dhe prokurorët nuk kanë pse nxitohen kur kërkesën e kanë depozituar në gjykatë. Sali Berisha i ka 2 masa shtrënguese të mëparshme. Pra kjo një ditë do gjykohet, në mos ditën e martë, të mërkurën, etj. Edhe gjykata nuk ka pse e stërmundon.

Gjykata gjithmonë është më e ftohtë dhe duhet të shoshisë faktorët që e rëndojnë masën e sigurimit me faktorët që duhet të qëndrojë në një masë sigurimi. Prokuroria mund të mos çojë asnjë provë dhe gjykata mund ta rëndojë kërkesën për masën shtrënguese.

Organi i hetimit ka luajtur me double standart, kërkon edhe rritjen e masës shtrënguese, kërkon edhe mbikqyrjen policore. Kanë luajtur në mënyrë linguistike. Pa vendosur mbikqyrjen, të dyja këto formate e detyrojnë policinë që ta kontrollojë subjektin në mënyrë të herëpashershme”, tha Hazizaj.

LEXONI GJITHASHTU:

• A mund ta kryejë masën e arresit në seli të PD? Avokati: Berisha do arrestohej nëse…
• “Organizatë kriminale”- Berisha: Pse SPAK ngjan me Sigurimin të Shtetit në diktaturë