Berisha flet mes molotovit: 1 mln shqiptarë të larguar në 11 vjet, plaga më e madhe

Fjala e kryetari të Partisë Demokratike Sali Berisha në protestën e sotme është shoqëruar me molotov drejt Kryeministrisë.

Ai i është drejtuar protestuesve të opozitës përmes një podiumi të inskenuar në ambientet ku po vuan dënimin e shtëpisë, ku theksoi se plaga më e madhe e shoqërisë sot është largimi masiv i shqiptarëve në 11 vitet e qeverisje së Edi Ramës.

“Kjo plagë është sa deti për Shqipërinë që sheh veten të boshatisur në 8 vite nga mbi 1 milion bij dhe bija të saj. Ky dërrmim u ka vrarë shpresën, u ka shuar çdo ëndërr për Shqipërinë dhe me të drejtë, si mund të kultivohet shpresa kur nuk siguron dot ilaçet për të shpëtuar fëmijët apo prindin e sëmurë.

Kur të duhen 109 vite për të blerë në Tiranë një apartament. Kur nuk siguron dot 3 vakte ushqimi për fëmijën tënd. Prandaj shpëtimi i vetëm mbetet largimi masiv nga Shqipëria.

Por siç thotë populli ynë, e keqja nuk ka fund. Shqipërisë i kanoset një kërcënim akoma më ekzistencial, sepse 83 për qind e shqiptarëve që kanë mbetur, duan të ikin.Pra, gjendemi përballë një katastrofe ekzistenciale. Miqtë e mi, spastrimi etnik i butë i Shqipërisë po ndodh, sepse Edi Rama vendosi në Shqipëri kushtet e llogaritshme për dëbimin e butë masiv të shqiptarëve nga vendi i tyre”, tha Berisha.

LEXONI GJITHASHTU:

• Pankartat pikante nga protesta te Kryeministria: Rama me 2 qeveri,1 në burg një…
• Tensione në protestën e opozitës, qëllohet me bomba molotov Kryeministria