Berisha flet pas daljes nga SPAK: Dosja e Arubas po mbahet e fshehur
Kryetari i Partisë Demokratike ishte dhe këtë të hënë në SPAK, në lidhje me masën e tij të detyrimit të paraqitjes për dosjen “Partizani”.
Ai hodhi akuza ndaj kreut të SPAK-ut, duke thënë se ky i fundit ka bërë përpjekje për të fshehur dosjen e Arubës, dhe shtoi se Dumani, sipas tij, ka cilësinë e “armikut më të egër të pluralizmit politik”.
Gjithashtu, Berisha akuzoi edhe gjyqtaren e çështjes “Meta”, Irena Gjoka, se ka fshehur problemet që sipas tij ajo ka pasur me policinë greke.
“Takova Altin Troplinin, i cili po pinte një kafe me McGonigalin, dhe ky i fundit po e përgëzonte dhe i jepte një çmim si ‘armiku më i egër i pluralizmit politik’. Në duar, McGonigal mbante dosjen e Arubës dhe urdhëronte që ta fshihte, ashtu siç e ka fshehur gjithë këto vite. Ai bën që qytetarët shqiptarë të mësojnë për një nga aktet më kriminale në historinë e shtetit — takimin e qeveritarëve shqiptarë në Arubë. U mësua për këtë takim nga prokuroria italiane dhe gjykata belge, ndërsa ky e fsheh një nga skandalet më të mëdha në historinë e këtij shteti. Avokati i Irena Gjokes, Altin Troplini, që mban me çdo kusht këtë gjykatëse në drejtësi, e gjykon dosjen e Metës. Ajo është një falsifikatore dhe mashtruese që mbahet në detyrë nga i ngjashmi i saj, Altin Troplini, i cili për ta mbrojtur ka hapur dosje pa emër. Tani unë kam sjellë këtu certifikatën e datës 24.11.2002, me të cilën policia greke vërteton se e ka përzënë Irena Gjokën nga territori i shtetit grek si falsifikatore vizash. Pra, Irena Gjoka është futur në Greqi duke falsifikuar vizën.” tha Berisha.
LEXONI GJITHASHTU:
Mbërrin me helikopter te Trauma efektivi i plagosur gjatë operacionit në Maliq
Autori ish-ushtarak bënte qitje në pyll, pamje nga vendi ku u vra polici në Maliq (VIDEO)
LIVE- Efektivi i policisë vritet në krye të detyrës në Maliq, plagoset kolegu. Reagimet e politikës
- 10:55 Mbërrin me helikopter te Trauma efektivi i plagosur gjatë operacionit në Maliq
- 10:53 Zbulohet një kompleks termal romak në Lushnje
- 10:45 Autori ish-ushtarak bënte qitje në pyll, pamje nga vendi ku u vra polici në Maliq (VIDEO)
- 10:30 Kuvendi mban një minutë heshtje për efektin e policisë të vrarë në krye të detyrës në Maliq (VIDEO)
- 10:27 LIVE- Efektivi i policisë vritet në krye të detyrës në Maliq, plagoset kolegu. Reagimet e politikës
- 09:59 Presidenti Begaj reagon për vrasjen e efektivit në Korçë: Policia nuk do të zbrapset