Berisha flet pas marrjes në pyetje nga SPAK: U thashë, do merrni dënimin e merituar

Ish-kryeministri Sali Berisha ka mbajtur një deklaratë për media pas daljes së tij nga Prokuroria e Posaçme, ku u mor në pyetje në lidhje me çështjen “Partizani”.

Berisha zbuloi dhe deklarimet që ai bëri në SPAK, tek hetuesit që po shqyrtojnë dosjen.

Ish-kryeministri vijoi akuzat ndaj sistemit të drejtësisë si vegël e kryeministrit Rama për të asgjësuar opozitën, dhe shtoi se këto deklarata ua tha në sy hetuesve.

“Unë në emër tuaj dhe të Partisë Demokratike u deklarova sa vijon, pasi i pyeta pse hetoni në këtë terror kaq të madh. Të hysh aty, sikur ku po hynë, aq shumë masa sigurie, a thua se ka kohë njeri të merret me ta.

Pasi ju deklarav se Sali Berisha është këtu për këtë parim, pasi çdo njeri që thirret nga organet e hetuesissë duhet të paraqitet për t;u marrë në pyetje.

Ky ka qenë qëllimi kryesor në amndamentin e vitit 20212 që PD bëri të mundur të hiqet çdo pengesë për hetimin e deputetëve.

Kam ardhur këtu t’ua u them në sy në emër të demokratëve të gjitha ato që prej dy vitesh kam denoncuar Edi Ramën dhe ju si grupi i strukturuar kriominal, si mercenarë të përdorur prej tij.

Kam ardhur këtu, u thashë, të shemb piramidën e turpshme të mashtrimit që keni ndërtuar me shpifje, trillime, mashtrime dhe falsifikime, në të cilën nuk ka asgjë të vërtetë, por vetëm zbatim të porosisë politike.

Ju si grup i strukturuar kriminal jeni angazhuar në një betejë kundër pluralizmit politik dhe kundër opozitës dhe ju garantoj që do merrni gjithë dënimin e merituar. U thashë që jam këtu për të shembur piramidën tuaj dhe për të denoncuar aktet tuaja anti-kushtetuese”, tha Berisha.

LEXONI GJITHASHTU:

• Berisha pas daljes nga SPAK: Aty gjeta atmosferë mortore! Po ecim drejt fitores
• Sali Berisha mbërrin në SPAK: Përfaqësoj shqiptarët, do denoncoj Edi Ramën
• Berisha në SPAK, merret në pyetje për herë të parë nga hetuesit