Ish-kryeministri Sali Berisha dha një deklaratë të shkurtër për media në përfundim të mbledhjes së përbashkët të deputetëve të Partisë Demokratike, përfshirë Rithemelimin dhe deputetët e grupimit Bardhi.
Në fjalën e tij Berisha tha se në mbledhje u diskutua drejtimi i parlamentit në kundërshti me ligjin nga maxhoranca qeverisëse.
Ai theksoi se deputetët e opozitës u dakordësuan për axhendën parlamentare dhe përballjen me qeverinë.
“Berisha: U diskutua mbi drejtimin disfunksionial në kundërshti me ligjin dhe me Kushtetutën e Parlamentit. Opozita do japë përgjigjet e merituara!
Përfundoi mbledhja e grupit. U diskutua e gjithë agjenda e nesërme e parlamentit. Qendrimet që do mbajnë deputetët dhe z.Bardhi do t’ju informojë më me hollësi.
U diskutua gjerësisht mbi drejtimin absolutisht disfunksionial në kundërshti me ligjin, me Kushtetutën të Parlamentit. Shkelmimin nga ana e institucioneve të vendit të të drejtave elementare të deputetëve për t’u informuar dhe informuar zgjedhësit e tyre.
Braktisjen që i bën Edi Rama Parlamentit.
Për të gjitha këto grupi parlamentar, deputetët e opozitës do të japin përgjigjet e merituara. Faleminderit!”, tha Berisha.
LEXONI GJITHASHTU:
- Kulluri: Vata avantazh për të fituar zgjedhjet në Kukës, të bëjë fushatë pozitive
- Lita: Takimet Berisha-Bardhi show politik, gabimi që bën për zgjedhjet në Kukës
