Berisha-Manjës: Do të përgatisim dosje, e ke vendin te Gjushi që dekonspirove

Ish-kryeministri Sali Berisha  tha se patronazhistët e qeverisë u kanë bërë presione votuesve dhe  po ashtu akuzoi qeverinë se ka nxjerrë të dhënat më sensitive të qytetarëve.

Ai tha se ligjet janë thyer për t’i shërbyer Mafias, ndërkohë akuzoi edhe ministrin e drejtësisë se ka qenë ky ai i cili ka nxjerrë sekretin për Dakon. Ai tha se Manja ka kryer një sërë krimesh elektorale për të cilat do mbajë përgjegjësi.

“Vendin e ke te Gjushi ti, 4 ditë përpara e dekonspirove dhe tani i thonë SPAK-ut kush e nxori sekretin. Ky merr përsipër të gjitha pazaret e Ramës. Kush ia tha Durrësit? Ti ia the. Je ti një lloj “jagoje” që ke shok vetëm veten.

Nxorët të dhënat më sensitive, ligji për të dhënat u thyen  për t’i shërbyer mafjas. Ke kryer një zinxhir krimesh elektorale dhe do të përgatisim një dosje madhështore”, i tha Berisha ministrit të drejtësisë Ulsi Manja”,-tha Berisha.

“ Zgjedhjet mbaruan, të pres prapë në 2025”, kështu ju përgjigj Ulsi Manja ndërkohë që tha edhe se ai ka luftuar gjithnjë për drejtësi.

LEXONI GJITHASHTU:

• Basha rikthehet në parlament: Do i shërbej opinionit publik
• Olta Xhaçka pjesë në takimin e ministrave të jashtëm të Koalicionit Global