Berisha në Panairin e Librit: Rama, një armik i egër i kulturës

Kryetari i Partisë Demokratike, Sali Berisha e ka cilësuar kryeministri Edi Rama, një armik të egër të librit dhe të kulturës.

Nga Panairi i Librit, Berisha tha se Rama po shkatërron trashëgiminë kulturore, teksa shtoi se libri në Shqipëri, tatohet më shumë se në çdo vend të Evropës.

“Për kulturën, për letrat shqipe. Por unë jam këtu jam këtu për të dënuar politikën anti-libër, anti-kombëtare të Edi Ramës, të këtij armiku të egër të librit, të kulturës, të këtij anti-shqiptari që i vendosi buldozerët Teatrit Kombëtar. Mbuloi me ndërtime 120 objekte të trashëgimisë kulturore, që po rrënon Butrintin dhe vlera të tjera të mëdha. Por jam këtu për të denoncuar qendrimin anti-libër të tij.

Shqiptarët duhet ta dinë se libri këtu tatohet më shumë se kudo në Europë. Shqiptarët duhet ta dinë se ato përpjekje që u bënë për të krijuar, jetësuar bibliotekat në të gjitha shkollat e vendit, ato fonde që u përcaktuan për të blerë libra për ato biblioteka, u ndaluan me një vendim anti-libër të Edi Ramës.”, theksoi ai.

LEXONI GJITHASHTU

• Hapet panairi i librit, më shumë se 97 shtëpi botuese nga mbarë trevat shqipfolëse
• Rikthehet panairi i librit pas dy vitesh mungesë
• 95 shtëpi botuese në Panairin e Librit, Ymeri: Punojmë vetëm për 20% të shqiptarëve