Berisha në SPAK për masën e detyrimit: Dumani qëndrim mbrojtës ndaj krimit elektoral

Kryetari i PD, Sali Berisha, u paraqit këtë të hënë në SPAK në orën 10:08, në zbatim të masës së detyrimit të paraqitjes, në lidhje me dosjen “Partizani”.

Para ambienteve të SPAK-ut, ai u prit nga disa simpatizantë dhe deputetë të Partisë Demokratik.

Qëndrimi i kryetarit të PD, Sali Berisha, në ambientet e SPAK, nuk zgjati as 5 minuta dhe sapo doli ai tha se i la shënim Altin Dumanit me këto fjalë:

“Qëndrimi mbrojtës i Altin Dumanit ndaj krimit elektoral përbën një krim të rëndë antikushtetues në shërbim të narko-shtetit dhe kreut të tij, Edi Rama”.

“Kjo ishte deklarata që i lashë kreut të SPAK-ut,” tha Berisha.

Ndërkohë, ai vazhdoi me akuza ndaj kryetares së GJKKO, Irena Gjoka, duke thënë se ajo ka gënjyer në formularët e saj për çështjet e dënimit. S

Sipas Berishës, ajo ka deklaruar se nuk është dënuar, ndërkohë që ai theksoi se ajo ka dënim dhe masë dëbimi nga shteti grek.

Ndërsa po këtë të hënë, në orën 11:30, do të zhvillohet edhe seanca paraprake në GJKKO për kalimin ose jo të dosjes për gjykim.

“Mesazhi im për Dumanin!” Berisha lexon live denoncimin e ri pic.twitter.com/eEbsyZ1wkc

— Euronews Albania (@EuronewsAlbania) May 19, 2025

LEXONI GJITHASHTU:

• Berisha: Zgjedhjet e 11 majit, farsa më e madhe elektorale në 34 vite
• Berisha nga Brukseli: Partitë pjesëtare të IDU mbështesin përpjekjet e PD