Berisha nga Roskoveci: Do ulim barrën fiskale ndaj bizneseve

Sali Berisha ishte të martën të Roskovec ku prezantoi kandidatin e koalicionit ‘Bashkë fitojmë’ për këtë bashki, Erdit Hazizajn.

Berisha tha se Hazizaj bashkë me 60 kandidatët e tjerë të koalicionit ‘Bashkë Fitojmë’ në mbarë vendin  nuk janë më kandidatë të kryetarit të partisë, të kryesisë së partisë, por janë kandidatë të votës së anëtarëve.

“Unë ju garantoj ju se Erdit Hazizaj, me përkushtim të madh, me ndershmëri, aftësi do të bëjë çdo gjë për të ndryshuar jetën tuaj, për të përmirësuar kushtet e jetës tuaj. Do të përdorë me transparencë të plotë para secilit prej jush, çdo qindarkë të taksave tuaja. Do të bëjë gjithçka në përputhje me programin e partisë që i përket, për suksesin e biznesit në këtë bashki. Ne jemi parti e taksave të ulëta, ndaj dhe me fitoren e tij, barra fiskale për të gjitha bizneset në këtë zonë, do të pësojë rënie shumë të madhe”, tha Berisha.

LEXONI GJITHASHTU:

• Berisha nga Gramshi: Rama shkatërroi bujqësinë, 160 lekë kilja e qepës
• Roland Bejko: Berisha shpenzoi 200.000 euro për fushatën në stadium