Berisha: Nuk do ketë asnjë tarifë për mallrat amerikane, edhe SHBA do ti heqi për ne

Kryetari i Partisë Demokratike, Sali Berisha, mori pjesë në një takim me përfaqësues të Sindikatave të Bashkuara.

Ndër të tjera, Berisha u ndal edhe te tarifat doganore të SHBA dhe tha se me ardhjen në pushtet të PD-së, Shqipëria nuk do të ketë asnjë tarifë për mallrat amerikane.

Po ashtu, Berisha u shpreh i bindur se kjo gjë do të ndodhë edhe me qeverinë e SHBA-së pasi Shqipëria t’i heqë tarifat ndaj saj.

“SHBA kanë vendosur një sistem tarifash sepse të gjithë kanë pasur tarifa ndaj tyre. Kjo është e vërteta. Ta mësoni të vërtetën. Të gjithë këta që qahen sot, kanë pasur tarifa. Shqipëria nuk do të ketë asnjë tarifë për mallrat amerikane dhe jam i bindur se kjo gjë do të ndodhë edhe me qeverinë e SHBA pasi t’i heqim ne. Edhe njëherë, u garantoj për një partneritet luajal dhe zëri juaj, avokat i fuqishëm i njerëzve të punës, do të jetë një zë që do të dëgjohet nga qeveria. Ne do ta shndërrojmë Shqipërinë në Shqipërinë Madhështore, në Shqipërinë e ëndrrave të fëmijëve tanë”, tha ai.

Sipas tij, PD do të bëjë gjithçka që Made in Albania të mbushë tregjet shqiptare dhe tregjet e botës.

“Ne do të bëjmë gjithçka që Made in Albania të mbushë tregjet shqiptare dhe tregjet e botës,” tha Berisha.

LEXONI GJITHASHTU:

• Rikthet “lufta” tregtare, SHBA nis zbatimin e tarifës doganore prej 10%
• “U arrestua në mënyrën më brutale”, Berisha reagon për shoqërimin e Alimadhit