Berisha: Nuk është revolucioni i PD-së, por i shqiptarëve

Kreu i Partisë Demokratike, Sali Berisha mbajti fjalën e tij para Kuvendit të Shqipërisë, ndërsa brenda institucionit po zhvillohej një seancë plenare.

Në protestën e thirrur nga vetë ai, Berisha solli në vëmendje se nuk bëhet fjalë për një revolucion të PD-së, por një lëvizje të fuqishme shqiptare.

“Këta në shtëpitë tanë nuk futen direkt si banda, por në xhepat tona, në taksat tona, në të gjitha pasuritë publike tuajat këta vjedhin natën, vjedhin ditën. Këta i urrejnë qytetarët. A i shihni të takohen me qytetarët? Asnjëherë. Ata vijnë njëherë në katër vjet me thasët e mbushura me eurot që u kanë vjedhur ju,” – u shpreh Berisha.

Sipas kryedemokratit asnjë shqiptar nuk mund të pajtohet që për të vjedhur taksat rrugët të ndërtohen me një çmim 6-10 herë më të shtrenjtë.

LEXONI GJITHASHTU:

• Berisha mban fjalën në protestën para Kuvendit: E jashtëzakonshme
• Protesta dhe seanca plenare në të njëjtën kohë, Berisha niset drejt Kuvendit