Berisha: Parlamenti epiqendër e revolucionit që do shtrihet në gjithë vendin

Kreu i Partisë Demokratike Sali Berisha ka mbledhur grupin një orë përpara protestës së paralajmëruar para Parlamentit.

Berisha tha se mazhoranca në Parlament ka shkelur rëndë Kushtetutën, duke i trajtuar deputetët e PD në mënyrën më antikushtetuese.

“Të drejtat e tyre janë dhunuar, janë pjesëtuar si kurrë ndonjëherë më parë në historinë e parlamentit. Për të drejtën e fjalës deputetët janë përjashtuar nga parlamenti, të tjerë në kundërshtim me çdo ligj dhe rregull shpallen të përjashtuar nga grupi me urdhër të Edi Ramës. Por deputetët e opozitës nuk përfaqësojnë vetëm veten e tyre, por 750 mijë votues të cilët në zgjedhjet e fundit votuan për forcat opozitare. Të injorosh në këtë mënyrë 750 mijë votues, të sillesh me këtë brutalitet, dhe këtë armiqësi të egër ndaj tyre nuk bën gjë tjetër veç se kërkon konfliktin e hapur”, tha Berisha.

Kryedemokrati u shpreh se Parlamenti do të jetë epiqendër e revolucionit që sipas tij do të shtrihet në të katër anët e vendit.

LEXONI GJITHASHTU:

• Berisha bën lëvizjen e ‘papritur’, mbledh deputetët një orë përpara protestës
• Meçe: Berisha po bojkotohet! I nisi protestat me 16 mijë, përfundoi me 6 mijë njerëz