Berisha: Opozita më e fuqishme se ndonjëherë, Rama i ka orët e numëruara

Kryetari i Partisë Demokratike, Sali Berisha deklaroi se vendi ka opozitën më të fuqishme që mund të ketë pasur ndonjëherë.

Në një deklaratë për mediat jashtë ambienteve të parlamentit, Berisha u shpreh se kryeministri Edi Rama i ka kohët e numëruara.

“Sot vendi ka një opozitë, do të thoja më të fuqishme se ndonjëherë dhe Edi Rama në një farë mënyrë i ka kohët e numëruara. Ishte në Beograd, dëshmoi se Shqipërinë e do serbisht, atje do shkojë nëse lejohet. Ai duhet të japë llogari për të gjitha vjedhjet monstruoze që ka bërë para ligjit shqiptar. Ato vepra penale nuk bëjnë vite, por shumë dekada dënim për Edi Ramën”, nënvizoi Berisha.

Në lidhje me protestën kombëtare të opozitës, Berisha bëri të ditur se ka koordinim me Partinë e Lirisë.

Kryedemokrati tha se fronti opozitar do të miratojë një agjendë për protestën që pritet të zhvillohet në shtator.

LEXONI GJITHASHTU

• Berisha: Parlamenti problem për vendin, shqiptarët vidhen me bordet komuniste
• ‘Qeverisja ka nevojë për oponencë’, Bajram Begaj mesazh deputetëve

• Bumçi: PD u ringrit nga një projekt për ta shkatërruar, ofrojmë shpresë për vendin