Berisha paralajmëron mocion ndaj Begajt: E bëjmë për nderin e institucionit
Kryetari i Partisë Demokratike, Sali Berisha, gjatë mbledhjes së grupit parlamentar këtë të mërkurë, deklaroi se PD duhet të ndërmarrë një mocion ndaj Presidentit Bajram Begaj.
Ai e cilësoi presidentin si një “figurë kukull” dhe një “vasal të Ramës”, ndërsa theksoi se mocioni synon mbrojtjen e institucionit të Presidentit dhe jo personin që e përfaqëson aktualisht.
“Edhe mocioni ndaj atij vasalit të Ramës duhet ta bëjmë. Ai është një figurë kukull. Ajo bëhet vetëm për postin e presidentit, sepse për një kukull nuk ia vlen të ndërmarrësh asnjë lloj veprimi. Por ne e ndërmarrim në respekt të institucionit të presidentit, që duhet të jetë një institucion që të mbrojë Kushtetutën”, u shpreh Berisha.
Duke vijuar kritikat ndaj Presidentit, Berisha tha se Begaj “turpëron shtetin”, ndërsa e akuzoi për mungesë dinjiteti institucional.
“Se një ditë futet nën tavolinë, më tha stafi, ditën tjetër thotë në emër të shtetit. Çfarë shteti mor? Ti je një vasal që turpëron shtetin. Prandaj edhe ajo duhet të jetë pa diskutim në rendin e ditës, sikundër interpelanca me kreun e qeverisë”, përfundoi Berisha.
LEXONI GJITHASHTU:
Kryefaqja
Samiti i NATO-s në Ankara, liderët botërorë bëjnë foton familjare
Zjarr masiv në Porto Palermo
Helmimi i studentëve në Akademinë e Sigurisë, reagon AKU
- 19:48 Protesta në Tiranë hyn në ditën e 41-të, aktivistët dhe qytetarët mblidhen para Kryeministrisë
- 19:39 Shqipëria dhe Mali i Zi do të mbyllin të martën kapituj të tjerë në bisedimet për anëtarësim në BE
- 19:37 Sulmet me dronë ukrainasë goditën rafineritë jugore ruse dhe portin e Azovit
- 19:34 Shtetet baltike thërrasin të dërguarit rusë për pretendime të rreme për deportim
- 19:11 Festimet për fitoren e Francës kthehen në tragjedi, 17-vjeçarja bie nga kamioni dhe shtypet prej tij
- 19:05 Vuçiç tregon kur do ta lërë presidencën: Mund të kandidoj për kryeministër