Berisha pas mbledhjes me grupin e Bardhit: Rama kërkon të na emërojë përfaqësuesin

Kreu i rithemelimit Sali Berisha tha në një deklaratë për medua pas takimit me grupin e deputetëve demokratë mbështetës të Gazment Bardhit se ishte një mbledhje shumë e frytshme ku u ra dakord për qëndrimet që do të mbajë opozita.

Sipas Berishës, Edi  Rama, po përgatitet të marrë përsipër përdorimin e votave për t’i emëruar opozitës përfaqësuesin e saj.

“Nga ana tjetër ka të dhëna se ai po përgatit atentatin më të rëndë në historinë 32-vjeçare të pluralizmit politik shqiptar, po përgatitet të marrë përsipër përdorimin e votave për ti emëruar opozitës përfaqësuesin e saj. Opozita është e vendosur të qëndrojë në të drejtën e saj si opozitë dhe në mbrojtje të opozitarizmit. Opozita është e vendosur të qëndrojë në mbrojtje të votës, të të gjithë atyre që votuan kundër kësaj qeverie dhe për opozitën.

Në mbledhje u diskutuan dhe çështje të tjera të rendit të ditës. Ranë në ujdi për të gjitha qëndrimet dhe mund të ju them se ishte një mbledhje shumë e frytshme”, tha Berisha.

LEXONI GJITHASHTU:

• Berisha: Rezoluta për Kosovën, u hoq nga rendi i ditës të parlamentit nga Rama
• Berisha thirrje për protesta: Raporti i OSBE vërtetoi farsën elektorale të 14 majit