Berisha: Rezoluta për Kosovën, u hoq nga rendi i ditës të parlamentit nga Rama

Ish-kryeministri Sali Berisha ka mbajtur një deklaratë për media në përfundim të takimit të deputetëve të Partisë Demokratike, në ambientet e selisë së Kuvendit.

Berisha theksoi në fjalën e tij se rezoluta e paraqitur me mocion me debat për Kosovën, është hequr me urdhër të Edi Ramës nga rendi i ditës së parlamentit

“Rezoluta e paraqitur me mocion për Kosovën, të cilën me urdhër të Edi Ramës e kanë hequr nga rendi i ditës, sepse i diskredituar kombëtarisht dhe ndërkombëtarisht, ai nuk ka pranon të ketë një diskutim të hapur për situatën jashtëzakonisht shqetësuese në Kosovë, të krijuar nga Beogradi dhe padyshim Rusia”, tha Berisha.

Sakaq ai u pyet dhe në lidhje me arrestimin e Milan Radoiçiç nga autoritetet në Beograd.

Pyetje: Media në Kosovë thonë që është arrestuar Milan Radoiçiç? Keni koment për këtë?

Sali Berisha: Radoiçiç ka qenë në Serbi dhe ka shumë mundësi që presion i madh ndërkombëtar të ketë detyruar Aleksandër Vuçiç të arrestojë terroristin që ai dërgoi në Banjksë me të gjitha mjetet e ushtrisë për të filluar atë që vetë Vuçiç e quajti, rebelim kundër terrorit imagjinar të Albin Kurtit ndaj komunitetit serb. Ky arrestim është një hap, por ai duhet të sillet të gjykohet në Kosovë, aty ku ka kryer aktin terrorist”, tha Berisha.

LEXONI GJITHASHTU

• Bardhi: Jeta u rrezikohet prokurorëve, Bashës i vihet roje gardë për ta ruajtur
• Berisha pas mbledhjes me grupin e Bardhit: Rama kërkon të na emërojë përfaqësuesin