Berisha: Peleshi censuroi mesazhin e DASH! Rruga e vetme është kryengritja paqësore

Kryetari i Partisë Demokratike, Sali Berisha tha sot se kryetari i Kuvendit, Niko Peleshi ka censuruar mesazhin e Departamentit Amerikan të Shtetit.

Gjatë një konference me gazetarët, Berisha deklaroi se mesazhi ishte i qartë, lufta kundër organizatave kriminale transnacionale. Sipas Berishës, kjo kupton ‘rrezikun që kartelet shqiptare dhe organizatat e drogës paraqesin për vendet e tjera’.

Berisha gjithashtu bëri thirrje për protestë, duke deklaruar se rruga e vetme është kryengritja paqësore.

Edi Rama po loz me fatet e vendit. Me fatin e çdo shqiptari për të mbrojtur krimet e tij.

Ndaj dhe 10 shkurti është dita e çdo qytetari, është dita e dinjitetit, e guximit, e kurajës, e vendosmërisë për të marrë fatin në duar.

Ju e patë edhe sot, pavarësisht se Peleshi i parlamentit e kishte hequr, por në takimin që bëri në Departamentin e Shtetit, citohej fjalë për fjalë lufta kundër organizatave kriminale transnacionale, çka parakupton rrezikun që kartelet shqiptare dhe organizatat e drogës paraqesin për vendet e tjera.

Dhe ai e censuron, duhet të lexojmë njoftimin e departamentit për të marrë vesh të vërtetën e njoftimeve të SHBA. Ndaj dhe njëherë rruga e vetme është kryengritja paqësore.