Berisha për Ramën: Porositësi i ‘vrasjes’ së opozitës largohet vetëm me revolucion

Kryetari i Partisë Demokratike, Sali Berisha e konsideron kryeministrin Edi Rama, porositës e ‘vrasjes’ së opozitës, duke iu referuar skandalit me ish-zyrtarin e FBI-së, Charles McGonigal.

Gjatë fjalës së tij në selinë blu në mbledhjen e Grupit Parlamentar, Berisha u shpreh se Rama nuk largohet me votën e lirë, por me revolucion.

“McGonigal, që vazhdon të jetë kryefjalë e medieve botërore, është në burg, kurse porositësi i vrasjes me pagesë të opozitës shqiptare, është në pushtet. Cilido që mendon se ky porositës i krimit më të shëmtuar ndaj demokracisë dhe pluralizmit, asgjësimit të pluralizmit de facto, largohet me votën e lirë, gabon.

Është iluziv, gënjen veten. Kjo është e vërteta. Ky porositës i vrasjes së opozitës largohet vetëm me revolucion. Sepse, Shqipëria, një vend anëtar i NATO-s, ka degraduar në shkallën më ekstreme. Në Europë është narkoshteti i parë dhe i vetëm. Do të thotë se vendos mafia e drogës”, theksoi kryedemokrati.

LEXONI GJITHASHTU

• PS-ja kërkon përjashtimin nga Kuvendi të Berishës dhe 3 deputetëve të PD-së
• Hodhën mjete piroteknike në protestë, procedohet i mituri, në kërkim 30-vjeçari
• Berisha: Të enjten sërish protestë para Kuvendit