Berisha prezanton librin e zgjedhjeve: I kushtohet farsës elektorale të 14 majit

Ish-kryeministri Sali Berisha, prezantoi këtë të mërkurë një libër të shkruar në gjuhën angleze në lidhje me atë që ai e cilëson si masakra zgjedhore e 14 majit.

Berisha theksoi në fjalën e tij se një grup ekspertësh të zgjedhjeve, ligjit dhe medias, kanë finalizuar databazën e manipulimit të zgjdhjeve 14 maj 2023, të cilën e kanë përmbledhur në një libër në gjuhën angleze.

Berisha nënvizoi se libri pasqyron situatën e krimit në Shqipëri dhe si pushteti nuk lejon zhvillimin e zgjedhjeve të lira.

“I nderuar z. Meta, të nderuar z.  Bylykbashi, Noka, Boçi, zonja Albana Vokshi, të nderuar të pranishëm, zonja e zotërinj.

Sot ne jemi këtu në një akt të veçantë në 32 vite. Paraqesim para publikut shqiptar dhe atij ndërkombëtar, librin e zi, kushtuar farsës elektorale të 14 maji 2023.

Pse libër i zi? Shqipëria sot karakterizohet nga fenomene, dukuri nga më të zezat në historinë e saj. E para dhe më e zeza është braktisja masive e këtij vendi. Mjafton të kujtojmë këtu se këtë verë vendi pati dyndjen, ndoshta më të madhe turistike nga jashtë, por 60% e shqiptarëve, sipas statistikave më të besueshme nuk ishin në gjendje të pushonin 7 ditë gjatë kësaj vere.

E lidh këtë sepse një e zezë tjetër e madhe që i detyron shqiptarët të largohen është skamja, varfëria e frikshme. Shqipëria një vend në të cilin polarizimi rritet me shpejtësinë më të madhe se kudo dhe dy herë më të madhe se kudo.

Shqipëria të themi të vërtetën, nëse lexon arkivën e krimit të këtij vendi, për tragjedinë më të madhe, noton mbi krimin. Siguria e qytetarëve shqiptarë, e pronave, e veprimtarisë, jetës së tyre dhe fëmijëve të tyre, sot më shumë se kurrë varet dhe kontrollohet nga krimi”, tha Berisha.

LEXONI GJITHASHTU:

• Berisha entuziast pas takimit me Bardhin: Sot çelet një horizont i ri për demokratët
• Tryeza e përbashkët, Berisha falenderon Bardhin: Mesazhi i duhur për demokratët
• Spahiu: Berisha-Basha-Bardhi luftë me njëri-tjetrin, jo me Ramën