Berisha: Projekti në Portin e Durrësit, aferë Rama-Vuçiç

Kryetari i Partisë Demokratike, Sali Berisha deklaroi se projekti për Portin e ri të Durrësit, është një aferë korruptive e kryeministrit Edi Rama dhe presidentit serb, Aleksandër Vuçiç.

Gjatë fjalës së tij në seancën plenare në Kuvend, Berisha nënvizoi se pas këtij projekti, qëndrojnë serbë të cilët janë sanksionuar nga SHBA, BE dhe Britania.

“Pasi kanë marrë mbi 500 miliardë lekë borxh dhe e kanë rritur borxhin në 107 përqind, përveç vilave dhe kontove të fshehta, këta vjedhës nuk janë në gjendje të nxjerrin asgjë substanciale në 9 vite, përveç pasurimit të tyre. Dua të qartësoj shqiptarët se ka ikur njeriu që ka për flamur, flamurin e Vuçiçit, që ka për atdheu, atdheun e Vuçiçit. Afera e Durrësit është aferë Rama-Vuçiç.

Pas aferës qëndrojnë vëllezërit Kariç, të sanksionuar nga SHBA, BE dhe Britania, dhe tani bëjnë biznes me Edi Ramën. Dubai i Edi Ramës në Durrës është mega-afera më e madhe sot në Europë. I një njeriu që për të mbushur xhepat dhe për interesat e Vuçiç, i shkatërron vendit, portin mijëravjeçar. Flamuri i tij është flamuri i Serbisë. Flamuri i vjedhjes. Atdheu i tij është Beogradi”, theksoi Berisha.

LEXONI GJITHASHTU

• A do futen protestuesit në Kryeministri? Berisha tregon skenarin për 12 nëntorin
• Berisha: Projekti në Portin e Durrësit, aferë Rama-Vuçiç
• ‘Na ka ngecur sharra në gozhdë’, Rama sulmon sërish Prokurorinë e Tiranës