Berisha: Qytetarët të vazhdojnë protestat për vdekjen e Lear Kurtit

Kryetari i Partisë Demokratike, Sali Berisha ka ftuar qytetarët që të vazhdojnë protestat për vdekjen e 32-vjeçarit, Lear Kurti.

Në një deklaratë për mediat nga selia blu, Berisha u shpreh se kryeministri Edi Rama, ministri i Brendshëm Bledi Çuçi dhe kreu i AMP-së Ardi Veliu e vranë Learin për së dyti, pasi tentuan të manipulojnë ngjarjen.

“Vrasësi i vërtetë për së dyti i Lear Kurtit, është Edi Rama dhe Bledi Çuçi, me kriminelin e tyre me uniformë, Ardi Veliu. Ndaj, unë ftoj qytetarët të vazhdojnë protestën me të gjithë forcën dhe format e saj, në mënyrë që këto krime të mos përsëriten. Të mos vritet, të mos mbytet 32-vjeçari në makinat apo stacionet e policisë, sikur të mos ishte njeri”, theksoi ai.

Prokuroria e Tiranës ka nisur hetimet për vdekjen e 32-vjeçarit Lear Kurti, duke regjistruar  procedim penal për veprën penale “kryerje e veprimive arbitare” dhe “mosdhënie ndihme”.

LEXONI GJITHASHTU

• Vdekja e Lear Kurtit, Berisha: E mbytën banditët me uniformë, Ardi Veliu mashtroi
• Prokuroria nis hetimet për vdekjen e Lear Kurtit
• Ekskluzive/ Itinerari i Lear Kurtit, nga shoqërimi në polici tek humbja e jetës