Berisha: Rama kërkon ta shuajë PD-në e t’ia varë në qafë një grup pengu

Kreu i PD, Sali Berisha mblodhi pasditen e së martës Këshillin Kombëtar të Partisë Demokratike.

Berisha vlerësoi primaret brenda PD si një start shumë të mirë për fushatën për zgjedhjet lokale.

Ai akuzoi kryeministrin Edi Rama se po kërkon të shuajë PD në mënyrë që të vazhdojë pushtetin e tij.

“Ne sot jemi para një alternative me këtë armik që kemi përballë. Ky kërkon ta shuajë PD-në dhe çdo demokrat duhet të jetë i ndërgjegjshëm për këtë. PD-në kërkon t’ia varë në qafë një grup pengu që quhet Enkelejd, Lulzim apo si quhet. Ky kërkon në dhunim flagrant të çdo lloj parimi të votës, shumicës etj., që partia që përmbysi etërit e tij, të ndëshkohet nga ky bastard në pushtet. Ky kërkon që duke asgjësuar PD-në, si e tillë pas rithemelimit të saj, të vazhdojë pushtetin e tij aq sa ta lejojë natyra. Edi Rama pas marrjes së pushtetit duke dhunuar votën, mendon në mënyrën më kriminale, të godasë përfundimisht pluralizmin”,  tha Berisha.

LEXONI GJITHASHTU:

• Berisha thirrje deputetëve: Mos votoni projektligjin për amnistinë fiskale
• Berisha për amnistinë fiskale: Rama po sfidon çdo shqiptar dhe ndërkombëtarët