Berisha: Rama po bën një betejë e paimagjinueshme për t’ia marrë mandatin Belerit

Sali Berisha në mvledhjen me asamblenë e të Zgjedhurve Vendor Demokratë është shprehur se kreu i qeverisë Edi Rama po bën të pamundurën për të marrë mandatin e Fredi Belerit në Himarë.

Ai theksoi se nëse Beleri ka blerë vota atëherë të shkojë të të betohet dhe të dënohet pastaj.

“Shikoni se çfarë ndodh në rastin Beleri. Një betejë e paimagjinueshme për t’ia marrë mandatin.

E burgos në mesnatë tek po darkonte, mashtron e thotë se e kapën në flagrantë duke shpërndarë para, në një kohë kur ai nuk kishte as 50 lekë në xhep.

Nuk e lejon të bëjë betimin, në një kohë kur ligjet e vendit nuk e pengojnë, sepse në një vend që pretendon të respektojë normat më elementare ligjore, ai që nuk është i dënuar, është i pafajshëm.

Ky precedent ka funksionuar në raste të tjera, por nuk funksionon për mandatin e Himarës, sepse ai aty ka parashikuar parajsën e tij.

Pra, një sherr i madh në të katër anët për një mandat.

E solla këtu si shembull se çfarë është në gjendje të bëjë Edi Rama për mandatin që fikson tamam.

Nëse Beleri paska blerë vota, atëherë çoje të betohet siç është betuar herët e tjera dhe të dënohet mbrapa.

Por duhet ta humbasë mandatin për afatin e betimit”-tha Berisha.