Berisha-Ramës: Edhe tanket e Putinit të vijnë në Tiranë, s’të mbajnë dot në pushtet

Kryetari i Partisë Demokratike, Sali Berisha ka paralajmëruar kryeministrin Edi Rama, se asgjë nuk do mundet ta mbajë atë në pushtet, teksa e akuzoi për çështjen e ish-zyrtarit të FBI-së, Charles McGonigal.

Në një deklaratë për mediat nga selia blu, Berisha u shpreh se Partia Demokratike po përgatitet për një betejë finale kundër tij, për ta rrëzuar nga pushteti.

“Edhe njëherë i kërkoj Edi Ramës në mënyrë të prerë; largohu menjëherë nga pushteti. Jep dorëheqjen se alternativë tjetër nuk ka për ty. Edhe tanket e Putinit të vijnë në Tiranë, nuk të mbajnë në pushtet, largohu menjëherë. Edhe njëherë, demokratë dhe demokrate, ora është e jona, e një beteje që në do ta bëjmë me vendosmëri, guxim dhe përkushtim si asnjëherë tjetër më parë”, theksoi ai.

LEXONI GJITHASHTU

• “Nuk ka më Parlament”, Berisha paralajmëron: Kësaj here beteja do të jetë pa kthim
• ‘Mosbindje civile me çdo mjet’, Berisha: S’ka alternativë përveç dorëheqjes së Ramës
• Rama të dorëhiqet menjëherë, Berisha: Demokratët të mobilizohen për betejën finale