Berisha: Shqipëria ka potencial për të dalë nga kriza, prodhon 1 mln ton naftë

Kryetari i Partisë Demokratike Sali Berisha zhvilloi paditen e së martës një takim me ekspertë të energjetikës dhe hidrokarbureve me temë “Kriza, nafta, çmimet dhe korrenti”.

Berisha tha se potenciali i vendit për të dalë nga kriza është i mundshëm.

Ai premtoi se PD në pushtet do të përgjysmojë barrën fiskale të naftës dhe do rimbursojë 100 për qind biletat e udhëtimit urban dhe interurban, gjë që sipas tij është plotësisht e mundshme.

“Ne jemi vendi që prodhojmë 1 mln tonë naftë, por ju e dini që sot konsumi i naftës me 300 e ca mijë mjete më shumë se në 2012 është më i paktë. Konsumi duhet të jetë të paktën 800 mijë tonë, janë 300 mijë tonë që kontrabandohen. Është i njohur zinxhiri, ka pronarë të peshkarexhave që bëjnë vetëm kontrabandë nafte”, tha Berisha.

LEXONI GJITHASHTU:

• Berisha: Të subvencionohen biletat e transportit urban e interurban
• Qeveria të përgjysmojë menjëherë taksën mbi naftën, thotë Berisha