Berisha: Të subvencionohen biletat e transportit urban e interurban

Kryetari i Partisë Demokratike, Sali Berisha thotë se turizmi është sektori kryesor në ekonominë e vendit që po vuan krizën, sipas tij të shkaktuar nga qeverisja korruptive e kryeministrit Edi Rama.

Në një deklaratë për mediat nga selia blu, Berisha kërkoi që qeveria të subenvionojë biletat e transportit urban dhe interurban.

“Ajo që po e ndjen në mënyrën më të fuqishme krizën, është sektori më kryesor i ekonomisë së vendit, turizmi. Në këto rrethana emergjente, PD kërkon vendosjen e menjëhershme të subvencionimit të plotë të të gjitha biletave të transportit urban dhe interurban në territorin e Shqipërisë. Ky propozim i PD nuk është i pabazuar, por i bazuar te një seri vendesh evropiane”, theksoi kryedemokrati.

Ndër të tjera, ai ka kërkuar që qeveria të përgjysmojë menjëherë taksën mbi naftën, për t’i dhënë frymëmarrje ekonomisë.

LEXONI GJITHASHTU

• Qeveria të përgjysmojë menjëherë taksën mbi naftën, thotë Berisha
• Rënie rekord e çmimit të naftës në bursa, nuk ndryshon në Shqipëri