“Berisha thotë që Dumani është kriminel”- Dervishi: Rama dhe Meta e shantazhojnë

Gazetari Ferdinand Dervishi është shprehur se është diçka pozitive mbështetja që qytetarët dhe mediat i japin SPAK, pasi sipas tij, në këtë mënyrë ky institucion kthehet edhe në një faktor të rëndësishëm.

Komentet Dervishi i bëri në emisionin “Barometri” në Euronews Albania, ku tha se krerët e partive politike duke shantazhuar dhe denigruar publikisht anëtarët e këtij institucioni, ndikojnë edhe mbi mbështetësit e tyre.

Ai tha se kur Berisha e quan Dumanin Kriminel, edhe mbështetësit e tij ndikohen nga kjo. Po ashtu sipas tij edhe për Metën e Ramën që e shantazhojnë.

“Sigurisht që ne bëjmë shumë mirë që flasim pozitivisht për SPAK. Sigurisht që i bën shumë mirë. Sepse e bën faktor. Ne jemi një shoqëri e dominuar edhe nga mendimi që përcjell politika. Kur Berisha thotë se Dumani është kriminel, ai i thotë gjithë mbështetësve të vetë.

Po ashtu edhe Meta. Por edhe Rama që thotë se është investim i PS, por mundohet ta shantazhojë përmes ngritjes së një komisioni Ad-Hok, edhe ai i mëshon mbështetësve të vetë, që janë edhe më shumë. Kur shohim këto shifra, duhet të kemi parasysh edhe këto që themi tani”, tha Dervishi.

LEXONI GJITHASHTU:

• Ylli Manjani: Pse Berisha dhe Meta gabojnë rëndë që sulmojnë Dumanin
• “Lista e zezë” e përgjimeve të SKY ECC| Gazetarja: Dumani i dërgoi emra Rrumbullakut