Ylli Manjani: Pse Berisha dhe Meta gabojnë rëndë që sulmojnë Dumanin

Juristi dhe ish-ministri i drejtësisë Ylli Manjani ishte këtë të enjte në “Now me Erla Mëhillin ku tha se Sali Berisha dhe Ilir Meta gabojnë kur sulmojnë kreun e SPAK, Altin Dumani.

Manjani tha se si Sali Berisha edhe Ilir Meta janë persona politik të cilët duhet të mbajnë përgjegjësi për sistemin e drejtësisë që kemi sot, pasi sipas tij ata kanë lënë në sistem gropa të mëdha pasi ligjin e kanë miratuar shpejt dhe pa konsultat e nevojshme.

“As Sali Berisha as Ilir Meta nuk fitojnë asnjë pikë, përkundrazi gabojnë rëndë që personalizojnë gjënë. Sali Berisha, Ilir Meta dhe Edi Rama janë persona politike dhe duhet të mbajnë përgjegjësi politike për sistemin e drejtësisë që kemi sot, për gropat e jashtëzakonshme që kanë krijuar në legjislacionin e miratuar shpejt dhe pa konsultat e duhura.

Gjithashtu ata janë përgjegjës për ndalimin e përmirësimit të sistemit. Sistemi i drejtësisë nuk është përmirësuar. Ka ende nevojë për t’u përmirësuar. Nëse deri më sot kemi arritur diçka në sistemin e prokurorisë, që është vetëm një anë e gjyqit, ne kemi ceduar te gjykimi. Gjykata është drejtësia, jo prokuroria. SPAK është vetëm një anë, thelbi është Gjykata ajo e vendos drejtësinë”,-tha Manjani.

LEXONI GJITHASHTU:

• Arian Çani: Shqipëria është koloni e SHBA, Berisha dhuratë për Ramën
• “SPAK po cënon interesa miliona dollarëshe”- Daci: Si lufta e anti-mafias italiane