Gazetarja Anduena Llabani tha në “Now me Erla Mëhilli” se emra të zyrtarëve të lartë të policisë së shtetit janë në listën që kreu i SPAk, Altin Duymani ia ka dërguar drejtorit të Përgjithshëm të Policisë së Shtetit Muhamet Rrumbullakut.

Sipas saj nga përgjimet e kryera duket se rol më të rëndësishëm në krime kanë punonjësit e policisë se vetë personazhet e krimit.

“Nuk po kuptohej më ku fillon roli i policit dhe ku mbaron roli i kriminelit. Kjo pasi punonjësit e policisë të lidhur me krimin po del më i rëndësishëm se vetë ata që e kanë këtë punë.

Në 24 orët e fundit, një letër me emra të posaçëm e të përveçëm i është drejtuar drejtorit të Përgjithshëm të Policisë së Shtetit Muhamet Rrumbullakut, ku Altin Dumani i ka vënë në dispozicion listën e personazheve të cilët janë provuar, në listë ka emra nga kupola e drejtorisë, shefa komisariatesh, kjo është një listë me emrat e personave që tashmë e kanë provuar faktin që janë përfshirë dhe janë inkriminuar në ngjarje të ndryshme”,-tha gazetarja.