Berisha: Tituj të shumtë për Parashqevi Simakun, po injorohen problemet e qytetarëve

Ish-kryeministri Sali Berisha ka kritikuar qeverinë për mungesën e vëmendjes ndaj problemeve në sistemin shëndetësor, duke theksuar se qindra gra kanë humbur jetën për shkak të mosfunksionimit të aparaturave për kancerin e gjirit.

Berisha tha se ndërsa mediat mbushen me tituj për ngjarje të veçanta, si rasti i këngëtares Parashqevi Simaku, vdekjet e këtyre grave nuk kanë marrë asnjë vëmendje.

“Ndodhi një rast dhe ka një javë që qindra mijëra tituj, Eureka-Eureka-Eureka, për një njeri që ka qenë këngëtare e shquar, por njeri fatkeq. Ndërkohë 600 simotra të saj janë përcjellë në atë botë sepse aparaturat nuk punonin për të mjekuar kancerin e gjirit. Liheshin pa mjekim. Keni parë tituj për këto? Është diktaturë!”, tha Berisha.

Ai e krahasoi situatën me romanet e Gabriel Garcia Marquez, duke e cilësuar qeverinë si një “diktaturë bandash dhe oligarkësh” që injoron problemet e qytetarëve dhe kufizon lirinë e medias.

Sipas tij, vetëm një grup i vogël analistësh dhe gazetarësh kanë guximin të flasin për këto çështje.

“Analistë, gazetarë, publicistë, intelektualë, po të marrësh dhe t’i dëgjosh, janë një grup fare i vogël ata të cilët flasin për diktaturë. Po t’i ndjekësh, janë 3-4, mund të bëhen dhjetë, që flasin për farsë elektorale, se që të gjithë flasin për zgjedhje”, u shpreh Kreu i PD.

LEXONI GJITHASHTU:

• Mesazhi i SHBA për ‘non-grata’-t, Koka: Ambasada Amerikane ka kërkuar nga Berisha…
• Parashqevi Simaku shfaqet me një pamje të re, puth flamurin kombëtar