Parashqevi Simaku shfaqet me një pamje të re, puth flamurin kombëtar

Këngëtarja Parashqevi Simaku është parë me një pamje të re dhe në gjendje të mirë emocionale, teksa puth flamurin kombëtar.

Sipërmarrësi i njohur shqiptar në Shtetet e Bashkuara të Amerikës, Elton Ilirjani, ka publikuar një tjetër video të artistes shqiptare.

Nga pamjet, Simaku shihet e grimuar dhe në gjendje të mirë, duke sjellë një moment prekës e krenar për të gjithë shqiptarët.

Një moment veçanërisht simbolik është kur ajo puth flamurin kombëtar, të cilin e mban si shall në veshjen e saj, duke përcjellë një mesazh dashurie dhe respekti për atdheun.

Që prej publikimit të një videoje ku Parashqevi Simaku shihej duke u endur rrugëve të New Yorkut, shqiptarët treguan gatishmëri për ta ndihmuar, duke kërkuar gjetjen e saj dhe ofrimin e një strehimi.

LEXONI GJITHASHTU:

• Parashqevi Simaku këndon sërish shqip, biznesmeni ndan pamjet nga darka në New York
• “Parashqevia do këndojë sërish”, Elton Ilirjani ndan videot prekëse me këngëtaren