Berisha: Yuri Kim i kërkon SPAK-ut të më arrestojë| Juristi Spahiu: SPAK të reagojë

Juristi Kreshnik Spahiu komentoi në Euronews Albania deklaratat e Sali Berishës, i cili pretendon se Yuri Kim ka shkuar në SPAK për të kërkuar arrestimin e tij.

Juristi kujtoi për shikuesit edhe akuzat e para 5 viteve që Berisha ka ngritur ndaj ambasadores së BE-së, Romana Vlahutin, njësoj siç po bën tani me Kim.

“Nëse SPAK-u është siç thotë Berisha, degë e Partisë Socialiste dhe komandohet nga Edi Rama, pse dhe me gjithë kërkesën e amerikanëve nuk e arreston Berishën kjo degë. Kush i pengon prokurorët që të arrestojë Berishën nëse e kërkon Amerika e Trump-it, Amerika e Biden dhe Bashkimi Europian,” – u shpreh Spahiu.

Sipas tij, këto deklarata duhen marrë me rezerva dhe SPAK ka një lloj detyrimi moral me publikun që t’i thotë të vërtetën nëse ambasadorët amerikanë apo europianë kanë kërkuar apo jo arrestimin e Berishës.

LEXONI GJITHASHTU:

• “Në 8 vite, rrogat duhet të ishin 3 herë më të larta”, Berisha: Këta vetëm vjedhin
• Berisha nga Saranda: Kandidatët tanë janë kandidatët e dinjitetit tuaj