Berisha zgjidhet lojtari i ndeshjes/ Empoli fiton ndaj Fiorentinës

Lojtarët e kombëtares shqiptare po kalojnë një formë të jashtëzakonshme, mes tyre dhe portieri Etrit Berisha. Gardiani kuqezi ka zhvilluar një tjetër ndeshje fantastike me Empolin, madje duke u shpallur lojtari më i mirë i 90 minutave.

Mbrëmjen e së hënës ekipi i tij mposhti Fiorentinën, duke u larguar përkohësisht nga zona e ftohtë. Caputo dhe Gyasi ishin autorët e golave në triumfin e Empolit, por nota 9 shkoi për portierin 34-vjeçari i cili vijon të shkëlqejë ndeshje pas ndeshje.

Kujtojmë se dhe në përballjen ndaj Çekisë ishte lojtari më i vlerësuar në formacionin e Sylvinhos. Të hënën në mbrëmje u zhvillua dhe ndeshja përmbyllëse e javës së 9-të në premier leaguen angleze. Tottenham u rikthye në krye të tabelës së klasifikimit, me fitoren e marrë ndaj Fulham.

Ekipi i udhëhequr nga Postekoglu zhvilloi një tjetër paraqitje pozitive, ndërsa golat u shënuan nga Son dhe Maddison. Në 9 ndeshje të luajtura, ekipi londinez ka 7 fitore dhe 2 barazime, e regjistron 23 pikë të grumbulluara.

Tottenham dhe Arsenal janë të vetmet ekipe në Premier League të cilat deri më tani nuk kanë pësuar asnjë humbje këtë sezon.

LEXONI GJITHASHTU:

• “Borrell kërkon takim, Kurti nuk do shkojë!” Gashi: BE duhet ta sanksionojë Serbisë
• Ushtria izraelite kryen sulme me dron në Liban