Bërnabiç takon Escobar-in: Është thelbësore të zbatohen marrëveshjet e nënshkruara

Kryeministrja e Serbisë, Ana Bërnabiç zhvilloi një takim me zëvendës ndihmës Sekretarin amerikan të Shtetit, Gabriel Escobar, me të cilin ka biseduar për situatën aktuale në Kosovë.

Gjatë takimit, Bërnabiç ka theksuar shkeljen e marrëveshjeve të nënshkruara, si dhe rëndësinë e zbatimit të tyre, shkruan N1.

Gjithashtu, u diskutua edhe për qëndrimin e serbëve në veri të Kosovës.

“Arrestimi i pjesëtarëve të kombësisë serbe pa asnjë provë apo akuzë është shkelje e të gjitha normave civilizuese, postulateve bazë të shtetit të së drejtës dhe në fund të fundit, një tjetër në serinë e shkeljeve të marrëveshjeve të nënshkruara dhe të garantuara nga Bashkimi Evropian”, thuhej në deklaratën e qeverisë së Serbisë.

LEXONI GJITHASHTU

• ‘Diskutuam për zgjidhjen e situatës në veri’, Lajçak flet për takimin me Vuçiçin
• Vuçiç takon Lajçakun dhe Escobar-in në Beograd
• Pas vizitës në Kosovë, Escobar dhe Lajçak udhëtojnë drejt Serbisë, takim me Vuçiç