Besëtytnia e Yamal, refuzoi të prekte Topin e Artë në ceremoninë e Parisit

Futbollistja e ekipit për femra të Barcelonës, Aitana Bonmati fitoi Topin e Artë si lojtarja më e mirë në botë për vitin 2024.

Pas ceremonisë madhështore në Paris, ajo tregoi një histori me kolegun e saj mashkull, Lamine Yamal.

Ylli i ri i Barcelonës ishte shumë kurioz dhe e pyeti Bonmatin nëse emri i saj ishte i shkruar në Topin e Artë.

Në momentin kur ajo i afroi çmimin për të parë dhe mbajtur, 17-vjeçari spanjoll refuzoi, për shkak të një besëtytnie.

“Ai më pyeti nëse Topi kishte emrin tim në të, dhe unë i thashë po, dhe e pyeta nëse donte ta prekte. Ai tha: “Jo, jo”. Yamal refuzoi, duke thënë se nëse e bënte, do të ishte fat i keq”, ka zbuluar Bonmati.

Bonmati thotë se ka kaluar pak kohë edhe me Dani Olmon dhe ka vlerësuar lojtarët e Barcelonës për mirëkuptimin dhe bashkëpunimin korrekt.

Yamal u rendit i teti në renditjen për Topin e Artë për meshkujt, ndërsa Olmo ishte i 13-ti.

LEXONI GJITHASHTU:

• 250 mln euro për Yamal, Laporta refuzon ofertën për spanjollin
• Babai i yllit të futbollit spanjoll, Yamal, goditet me thikë në parkingun e makinave