Një vendim drastik është marrë nga drejtuesit e skuadrës turke Besiktas menjëherë pas humbjes së regjistruar në shtëpi ndaj Fenerbahce.
Një ngjarje që rrallë ndodh në futbollin evropian, por duket se disfata ndaj një rivali direkt nuk mund të lihet pa ndëshkim. Bëhet fjalë për përjashtimin e 5 futbollistëve, të cilët nuk kanë përmbushur objektivat e drejtuesve. Konkretisht mbrojtësi Bailly, Aboubakar, Onana, Rossier dhe Ghezzal, nuk do të jenë më pjesë e skuadrës.
5 futbollistët në fjalë nuk kanë justifikuar besimin e trajnerit dhe drejtuesve, për më tepër qendërmbrojtësi që më parë ka luajtur për Manchester United, ishte vlerësuar negativisht në sfidën me Fenerbahce. Lojtari më i vlerësuar në kampin e Kalimbej ishte portieri Gunok.
Kampionati turk kryesohet nga Fenerbahce, e cila udhëheq tanimë prej javësh, e më pas Galatasaray, Kayserispor, Trabzonspor dhe Besiktas. Këta të fundit kanë 8 fitore, 2 barazime dhe 5 humbje, ndërsa objektivi parasezonal ishte fitimi i titullit kampion, teksa duket se edhe pas kësaj situate, mbetet një mission i pamundur.
LEXONI GJITHASHTU:
- Dyfishohen çmimet e biletave për në Gjermani, shkak Kombëtarja
- “Gjendjen mendore e ke…”- Biden përplaset me Trump: Garoj për të të ndalur
