Besnikët e librit mosha 40 deri në 60 vjeç, Bardhyli: “Rinia nuk lexon më në shqip”

Drejtoresha e Qendrës Kombëtare të Librit dhe Leximit Alda Bardhyli, e ftuar në Euroneës Albania tha se lexuesit më besnikë janë mosha 40 deri në 60 vjeç, por  të rinjë shqiptarë po i afrohen gjithmonë e më shumë librit.

Gjithsesi Bardhyli tha se është shqetësuese fakti që shumica e të rinjve nuk lexojnë më në gjuhën shqipe.

“Mosha 40 deri në 60 vjeçare lexon më shumë sipas satistikave, por vitet e fundit ka një trend dhe të të rinjve. Gjithsesi është shqetësuese që pjesa më e madhe e të rinjve lexojnë në gjithë të huaj”, tha Bardhyli.

Bardhyli shtoi se për sa i përket zgjedhjes së librave, lexuesit zgjedhin sipas preferencave të tyre.

“Nga sondazhet që ne bëjmë, ose nga shifrat që ne na vijnë të librave që shiten, shohim që stina e verës është një stinë që të gjithë fokusohen te leximi. Qoftë dhe një libër të lexohet është diçka iluminuese. Zgjedhja e librave varet nga opinionet individuale” tha ajo.

LEXO GJITHASHTU:

• 300 libra të lexuar, njihuni me 15-vjeçaren nga Elbasani që ka pasion leximin
• Ndryshon testimi i “PISA 2025”! Hiqet matematika e leximi, çfarë do të shtohet