Beteja për zonat “problematike” në Korçë, si po nis fushata elektorale

Kryetari aktual i Bashkisë Pogradec, Ilir Xhakolli nga PS ka ndezur motorët e fushatës elektorale përballë Zihni Tollozhinës.

Korrespondenti i Euroneës Albania, Xhensil Shkëmbi raportoi se rreth 20 ditë para fillimit të fushatës elektorale, të dy kandidatët kanë nisur takimet e vogla me qytetarët.

Sipas tij, Xhakolli nuk është një personazh mediatik dhe ai ka zgjedhur ta zhvillojë fushatën në zonat e thella.

Ndërkohë, Tollozhina është i vetmi kandidat pasi Alibeaj s’ka asnjë emër në qytetin e Pogradecit. Edhe ai, njësoj si kryebashkiaku nuk është personazh mediatik, por kohët e fundit vëmendja ka qenë e shtuar.

“Vëmendja e madhe është në qytetin e Korçës, aty ku Sotiraq Filo është mbështetur masivisht nga Partia Socialiste,” – tha Shkëmbi, i cili shtoi se Filo ka shkuar shtëpi më shtëpi nëpër fshatra duke takuar njerëzit edhe pse nuk është në natyrën e tij.

Ndërkaq, Ledina Aliolli është kandidatja e vetme nga opozita pasi Gjergji Gjata pati një sherr me Alibeajn dhe dha dorëheqjen.

Gara më e madhe ndodhet në qytetin e Bilishtit në rrethin e Devollit, tha Shkëmbi, ku Eduard Duro po bën një punë të mirë vitet e fundit për PS-në, duke marrë vota që s’janë marrë kurrë në bastione të djathta.

LEXONI GJITHASHTU:

• Porti, hekurudha dhe të pakënaqurit nga ‘tërmeti’/ Si po nis fushata në Durrës?
• “Nxehet” fushata në Shkodër, PS dhe aleatët në terren përballë demokratëve