Biden: Vendimi i Gjykatës së Lartë po e kthen Amerikën 150 vjet prapa

Vendimi i Gjykatës së Lartë që ndalon të drejtën e abortit e kthen Amerikën 150 vjet prapa, tha presidenti amerikan Joe Biden.

“Gjykata parashtroi si arsyetim ligje shtetërore që kriminalizojnë abortin, të cilat dalin në vitet 1800. Me këtë vendim gjykata fjalë për fjalë e ktheu Amerikën 150 vjet mbrapa. Është një ditë e trishtuar për vendin, sipas mendimit tim”, tha Biden të premten.

Biden iu referua zgjedhjeve të ardhshme në nëntor dhe ftoi votuesit duhet të votojnë për përfaqësuesit që do të rivendosin të drejtat e abortit.

“Më lejoni të jem shumë i qartë. E vetmja mënyrë për të siguruar të drejtën e një gruaje për të zgjedhur është që Kongresi të rivendosë mbrojtjen e Roe kundër Ëade si ligj federal. Asnjë veprim ekzekutiv nga Presidenti nuk mund ta bëjë këtë. Dhe nëse Kongresit, siç duket, i mungojnë votat për ta bërë këtë tani, votuesit duhet të dëgjojnë zërin e tyre. Këtë vjeshtë, ju duhet të zgjidhni më shumë senatorë dhe përfaqësues që do të kodifikojnë të drejtën e një gruaje për të zgjedhur në ligjin federal edhe një herë”, tha Biden.

LEXONI GJITHASHTU:

• Gjykata e Lartë e SHBA-së ndalon abortin
• Gjykata Supreme e SHBA vendos pro përdorimit të armëve