Bie inflacioni, por jo çmimet| INSTAT: Rritja më e madhe vjetore për ushqime e qira

Edhe pse inflacioni ka ardhur në rënie duke qëndruar nën nivelin 3%, objektiv ky nga Banka Qendrore, çmimet e ushqimeve, të pasuar nga qiraja dhe fatura e energjisë, janë rritur krahasuar me një vit më parë

Këto shënuan përmirësim nga muaj qershor duke rënë 0.7%, por ato kanë vijuar të rriten krahasuar me një vit më parë.

Sipas INSTAT rritja më e madhe vjetore pasqyrua në grupin e produkteve “ushqime dhe pije jo alkoolike” me 0.68 pikë përqindje, pasuar nga “qira, ujë, lëndë djegëse dhe energji” me 0.43 pikë përqindje.

Ushqimet zënë peshën më të madhe të shportës konsumatore në Shqipëri. Sipas Bankës Botërore, shqiptarët shpenzojnë rreth 40% të buxhetit të tyre për ushqim dhe pije joalkoolike, që është një nga përqindjet më të larta në rajon dhe në Evropë

Megjithatë, duket se, siç ishte paralajmëruar nga Banka Qendrore, luhatja e çmimeve po vijon në kahun rënës.

Në daljen e fundit të këshillit mbikëqyrës, Banka tregoi se aktiviteti ekonomik ka ardhur në rritje duke reflektuar dhe një qëndrueshmëri të përgjithshëm.

Në një nivel 2.1%, inflacioni ka vijuar në renjë, duke lënë goditjen e tetorit 2022, ku kjo vlerë shënoi rekord në nivelin 8.3%.

Nga pikëpamja makroekonomike, çmimi I shportës u reduktua si pasoj e zbutjes së presioneve të jashtme inflacioniste si inflacioni I partnerëve tregtar apo dhe kursi I këmbimit në favor të lekut, I cili ka ndihmuar edhe qeverinë në uljen e borxhit publik.

Megjithatë kërcënim mbetet faktori I brendshëm, ku presionet inflacioniste vendase si kërkesa e lartë konsumatore për shkak edhe të rritjes së menjëhershme të pagave, dhe nga ana tjetër rritja e kostove të prodhimit, kërcënojnë stabilitetin e çmimit të shportës.

LEXONI GJITHASHTU:

• Inflacioni zbret në 2.3%, stabilizohet tregu i ushqimeve, niveli më i ulët nga 2021
• Çmimet, Shqipëria barazon BE- në, inflacioni në zonën euro 2.8%